انسان کیسے بیمار ہوتا ہے

 انسان کیسے بیمار ہوتا ہے؟

انسان کی صحت ایک قیمتی دولت ہے، لیکن بعض اوقات وہ مختلف وجوہات کی بنا پر بیماری کا شکار ہو جاتا ہے۔ بیماری کا مطلب ہے کہ انسان کا جسم یا ذہن اپنی معمول کی حالت میں کام نہ کرے۔ انسان کے بیمار ہونے کے کئی اسباب ہوتے ہیں،جیسے کے ناقص خوراک ،آلودہ ہوا ،زہنی دباؤ اور تناؤ ،جنہیں ہم درج ذیل نکات کی صورت میں بیان کر سکتے ہیں

 امید کرتے ہیں یہ نکات آپ کی زندگی پر مثبت اثرات ثبت کریں گے اور ان سے سیکھتے ہوۓ آپ ایک خوش و خرم اور صحت مند زندگی گزار سکیں گے 

اس لیے اس مضمون کو آخر تک لازمی پڑھیں

 جراثیم اور وائرس:

بیماری کا ایک عام سبب جراثیم (بیکٹیریا) اور وائرس ہوتے ہیں۔ یہ انسانی جسم میں داخل ہو کر مختلف بیماریوں کا باعث بنتے ہیں،اور یہ ایک جسم سے دوسرے جسم میں منتقل ہوتے ہیں ایسی صورت میں ہمیں احتیاط کرنی چاہیے ورنہ با یک وقت بہت سے لوگ اس بیماری میں مبتلا ہو سکتے ہیں ،جیسے زکام، نزلہ، بخار، ٹی بی، اور کورونا وائرس۔

غیر صحت بخش خوراک:

غلط اور غیر متوازن غذا جیسے چکنائی سے بھرپور، بازاری اور مضر صحت کھانے بھی بیماریوں کا سبب بنتے ہیں۔ذیادہ کھاد اور سپرے کا استمعال بھی ہماری خوراک کو غیر متوازن بناتا ہے ،ان سے معدہ خراب ہو سکتا ہے، دل کی بیماریاں پیدا ہو سکتی ہیں، اور جسمانی قوت مدافعت کمزور ہو جاتی ہے۔

اس لیۓ ہمیں خوراک کے چناؤ میں ہمیشہ محتاط رہنے کی ضرورت ہے ہمیشہ اچھی اور صحت بخش غذائیں ہی ایک پر سکون زندگی کی ضامن ہو سکتی ہیں

ماحولیاتی آلودگی:

فضائی آلودگی، پانی کی آلودگی اور شور کی آلودگی بھی انسانی صحت پر منفی اثر ڈالتی ہے۔ آلودہ ہوا پھیپھڑوں کی بیماریوں کا سبب بنتی ہے، جب کہ آلودہ پانی سے ہیضہ، ٹائیفائڈ اور دیگر بیماریاں پیدا ہو سکتی ہیں۔

اس لیۓ صاف ستھرا اور بیماریوں سے پاک پانی استعمال کریں اور آلودگی سے پاک ماحول میں رہنے کی کوشش کریں تاکہ آپ بھی خوش رہیں اور اپنے پیاروں کے ساتھ بہترین زندگی بسر کر سکیں 

 ذہنی دباؤ اور تناؤ:

مسلسل ذہنی دباؤ، پریشانی اور نیند کی کمی بھی انسان کو بیمار کر سکتی ہے۔ اس سے دل کی دھڑکن تیز ہو سکتی ہے، بلڈ پریشر بڑھ سکتا ہے، اور انسان ڈپریشن کا شکار ہو سکتا ہے۔

لحاظہ کسی بھی چیز کو سر پر سوار کرنے کی بجائے رات گئ بات گئ کے فارمولے پر عمل پیرا ہوں اور اپنے ذہن کو کسی بھی بیماری سے آلودہ ہونے سے بچائیں 

صفائی کا فقدان:

ذاتی صفائی کا خیال نہ رکھنا جیسے ہاتھ نہ دھونا، گندے کپڑے پہننا یا گندے ماحول میں رہنا بھی بیماریوں کو دعوت دیتا ہے۔

وراثتی بیماریاں:

بعض بیماریاں موروثی ہوتی ہیں، یعنی وہ والدین سے بچوں کو منتقل ہو سکتی ہیں۔ ان میں شوگر، بلڈ پریشر، اور دل کے امراض شامل ہو سکتے ہیں۔

نتیجہ:

انسان کی صحت اس کے طرزِ زندگی، خوراک، ماحول اور صفائی پر منحصر ہے۔ اگر ہم مناسب غذا کھائیں، صفائی کا خیال رکھیں، ذہنی سکون کو اہمیت دیں، اور باقاعدہ ورزش کریں تو بیماریوں سے بچا جا سکتا ہے۔ ایک صحت مند جسم ہی ایک خوشحال

 زندگی کی ضمانت ہے۔